ଭାରତୀୟ ଡାକ...... ସେବାରେ

ଶ୍ରୀ ସୌମିତ୍ରି ମିଶ୍ର

     ଆରେ ଶୁଣୁଛ । ରାମ କହୁଥିଲା କାଲି ବ୍ୟାଙ୍କ ଛୁଟି । ତୁମେ ଟିକେ ଆଜି ପଇସା ଜମା କରିଦେଲେ ହୁଆନ୍ତାନି । ତୁମର ସବୁବେଳେ ସେ ତରତର ହେବା ଗୁଣ ଟା ଗଲାନି । ଆଜି ନହେଲେ କାଲିହେବ , ନହେଲେ ପହରଦିନ ହେବ । ଏତେ ବ୍ୟସ୍ତ  କାହିକି ? ସକାଳୁ ସକାଳୁ ତ୍ରିପାଠୀ ବାବୁ ଆଉ ତାଙ୍କ ଧର୍ମପତ୍ନୀ ଏମିତି ଝଗଡା କରୁ କରୁ ପଡିଶା ଘର  ସାହୁ ବାବୁ ଆସି ପହଞ୍ଚିଲେ । ଏହାପରେ ତ୍ରିପାଠୀ ବାବୁ ଚୁପ ହେଇଗଲେ । ସାହୁ ବାବୁ ପଚାରିଲେ କଣ କେମିତି ଅଛନ୍ତି । ଭଲ ଅଛି । ଆଉ ପିଲାମାନେ କଇଁ ଦେଖା ଯାଉନାହାନ୍ତି । ସେମାନେ ଟିକେ ପୂଜା ଚୁତିରେ ମାମୁ ଘରେ ଅଛନ୍ତି । କାଲି ଆସିବେ । ଆରେ ମିତା ସାହୁ ବାବୁ ଆସିଛନ୍ତି । ଟିକେ ଚା ଆଣ । ଏହା ଶୁଣି ସାହୁ ବାବୁ କହିଲେ ନାମ ଚା କଣ ହେବ । ମୁଁ ଏପଟେ ମର୍ନିଂ ୱାକ ରେ ଯାଉଥିଲି ତ ଭାବିଲି କେତେଦିନ ହେଲା ପିଲାମାନଙ୍କୁ ଟିକେ ଦେଖିଣି ତେଣୁ ତାଙ୍କୁ ଦେଖିବାକୁ ଚାଲିଆସିଲି । କିନ୍ତୁ ସେମାନେ ତ ଆସିନାହାନ୍ତି , କାଲି ଆସିଲେ ଦେଖାହେବ ।  ଆରେ ସେମିତି କେମିତି ହେବ ପିଲାମାନେ ନାହାନ୍ତି ବୋଲି ଆପଣ ପଳେଇବେ । ରୁହନ୍ତୁ ଟିକେ କଥା ହେବା । ଦେଖୁନାହାନ୍ତି ସକାଳୁ ସକାଳୁ ମିତା ମୋ ସାଙ୍ଗରେ ଝଗଡା କରୁଛି, କହୁଛି ବ୍ୟାଙ୍କ କାଲି ବନ୍ଦ ହେଇଯିବ ଆଜି ପଇସା ରାଖୀ ଦେଇଆସିବା । ତର ଏକ ଜିଦ ଆଜି ଯିବ । ଏହା ଶୁଣି ସାହୁ ବାବୁ କହିଲେ, ବ୍ୟାଙ୍କ କାହିଁକି? ତୁମ ଘର ପାଖରେ ତ ଡାକଘର ଅଛି । ସେଠାରେ ରଖିଦଉନ । ଡାକଘର?? ସେଠାରେ ବି ରଖିହେବା । କଣ ତ୍ରିପାଠୀ ବାବୁ ତୁମ ଘର ପାଖରେ ଡାକଘର ଥାଉ ଥାଉ ତୁମେ ବ୍ୟାଙ୍କ ଯିବ । ତାଛଡା ଡାକଘରେ “ଡାକଘର ସ୍ୱଳ୍ପ ସଞ୍ଚୟ ଯୋଜନା” ଅଧୀନରେ ଅନେକ ଗୁଡାଏ ଜମା ଯୋଜନା ଅଛି । ବ୍ୟାଙ୍କ ଠାରୁ ବହୁତ ଭଲ ଯୋଜନା ଡାକଘରେ ଉପଲବ୍ଧ । ତାହା ପୁଣି ଆକର୍ଷଣୀୟ ସୁଧରେ । ଏହା ଶୁଣି ତ୍ରିପାଠୀ ବାବୁ କହିଲେ ,”ଶୁଣୁଛ, ଆସ ଆସ ସାହୁ ବାବୁ ଙ୍କ ଠାରୁ ଶୁଣ । କିଛିନବୁଝି ଖାଲି ମୋ ସଙ୍ଗେ ଝଗଡା । ପଇସା ଆଜି ଡାକଘରେ ରଖିଦେବା । ଅଜିଠୁ ବ୍ୟାଙ୍କ ଯିବା ବନ୍ଦ । ତୁମର ସମୟବିବଞ୍ଚିବ । ମୁଁ ବି ଆଉହଇରାଣ ହେବିନି । ସାହୁ ବାବୁ ଙ୍କଠାରୁ ସବୁବୁଝ , ମୋରଡେରି ହେଲାଣି ମୁଁ ଯାଉଛି ।

  କିଛି ସମୟପରେ ଚା କପ ଧରି ମିତାଦେବୀ ଆସିଲେ ଓ ସାହୁବାବୁଙ୍କୁ ଚା କପ ଟି ବଢାଇଦେଇ କହିଲେ କଣକହୁଥିଲେ ମୋତେ ଟିକେ କହିଲେ, ନହେଲେ ତାଙ୍କ ଉପରେ ସବୁ ବେଳେ ନିର୍ଭର କରିବାକୁ ପଡୁଛି । ଆରେ ନାହିଁ , ସେମିତି କିଛି ନୁହ । ତ୍ରିପାଠୀ ବାବୁ ପଇସା ରଖିବା କଥା କହୁଥିଲେ ତ, ମୁଁ କହିଲି ଘର ପାଖେ ଡାକ ଘର ଥାଉ ଥାଉ ବ୍ୟାଙ୍କକଇଙ୍କି ଯିବ । ଠିକ ଅଛି । ମୋତେ ତାହେଲେ ଟିକେ କୁହନ୍ତୁ , ଡାକ ଘର ବିଷୟରେ ମୁଁ ବି ପିଲାଙ୍କ ପାଇଁ କିଛି ପଇସା ରଖିବା ପାଇଁ ଚାହୁଛି । ନହେଲେ ୟାଙ୍କର ଯେମିତି ଖର୍ଚ ପିଲାଙ୍କ ପାଇଁ କିଛି ରାଖୀ ପାରିବେନି । ଏହା ଶୁଣି ସାହୁବାବୁ କହିଲେ ହାଉ ମୁଁ କହୁଛି ଶୁଣ । କେନ୍ଦ୍ର ସରକାରଙ୍କ ସର୍ବପୁରାତନସରକାରୀସଂସ୍ଥା ହେଊଛି ଡାକ ବିଭାଗ । ଏଥିରେ  “ଡାକ ଘର ସ୍ୱଳ୍ପ ସଞ୍ଚୟ ଯୋଜନା “ ଅଧୀନରେ ଅନେକ ଯୋଜନା ଅଛି । ସେଗୁଡିଆ ହେଲା

      ୧) ଡାକଘର ସଞ୍ଚୟ ଖାତାଯୋଜନା (ପୋଷ୍ଟ ଅଫିସ ସେଭିଙ୍ଗ ବ୍ୟାଙ୍କ ଆକାଉଣ୍ଟ)।

      ୨) ୧ /୨/୩/୫ ବର୍ଷିଆ ଅବଧୀ ଜମା ଯୋଜନା( ଟି. ଡି ଆକାଉଣ୍ଟ) ।

     ୩) ଡାକ ଘର ଆର .ଡି  ଜମା ଯୋଜନା ( ପୋଷ୍ଟଅଫିସ ଆର . ଡି ଆକାଉଣ୍ଟ) ।

    ୪)  ୫ ବର୍ଷିଆ ଜାତୀୟ ସଞ୍ଚୟ ସାର୍ଟିଫିକେଟ ( ୫ ବର୍ଷୀୟ ଏନ.ଏସ.ସି )।

    ୫)  କିଷାନବିକାଶ ପତ୍ର( କେ.ଭି.ପି)।

   ୬) ମାସିକ ଆୟ ଯୋଜନା(ଏମ. ଆଇ.ସ)।

   ୭) ସୁକନ୍ୟା ସମୃଦ୍ଧି ଆକାଉଣ୍ଟ ।

   ୮)ବରିଷ୍ଠ ନାଗରିକ ଜମା ଯୋଜନା ।

 ୯) ପବ୍ଲିକ ପ୍ରୋଭିଡେଣ୍ଟ  ଫଣ୍ଡ ଆକାଉଣ୍ଟ ।

    

୧) ଡାକଘର ସଞ୍ଚୟ ଖାତାଯୋଜନା (ପୋଷ୍ଟ ଅଫିସ ସେଭିଙ୍ଗ ବ୍ୟାଙ୍କ ଆକାଉଣ୍ଟ)

    ତୁମେ ଯେଉଁ ପଇସାରଖିବାକୁ ତ୍ରିପାଠୀ ବାବୁଙ୍କୁକହୁଥିଲା । ସେହି ବ୍ୟାଙ୍କ ଆକାଉଣ୍ଟ ଭଳି ଡାକଘରେ ଏମିତିଆକାଉଣ୍ଟ ଖୋଲାଯାଇପାରିବା । ସିଂଗଲ,ଜୟେନ୍ଟ ଏ ଓ ବି ଖୋଲିପାରିବା । ଏବେ ସଞ୍ଚୟ ଖାତା ରେ ଡାକ ଘରେ ମାଗଣାରେ ଏଟିଏମ ବିମିଳୁଛି । ମାତ୍ର 50 ଟଙ୍କା ରେଆକାଉଣ୍ଟଖୋଲାଯାଇପାରିବା । ନିଜର ଆଧାର ଓ ଅନ୍ୟ ସବୁ କେ. ୱା.ସି ଦେଇ ଏହିଆକାଉଣ୍ଟ ଖୋଲିହେବା ।ଏଥିରେ ମିଳୁଥିବାଏଟିଏମ ରୁଉଭୟ ବ୍ୟାଙ୍କ ଓ ଡାକଘର ଏଟିଏମ ରୁଟଙ୍କା କାଢିହେବ । ଏଥିରେ ବାର୍ଷିକ 4% ସୁଧ ମିଳେ। ଏହା ସହନିଜ ମୋବାଇଲନମ୍ବର ରେ ମାଗଣା ରେ ଏସଏମଏସ ଆସିବାର ସୁବିଧା ବି ଅଛି। ନୋମିନୀସୁବିଧା ଉପଲବ୍ଧ।

୨) ୧ /୨/୩/୫ ବର୍ଷିଆ ଅବଧୀ ଜମା ଯୋଜନା( ଟି. ଡି ଆକାଉଣ୍ଟ) ।

  ଏହା ଆଉ ଏକ ଆକର୍ଷଣୀୟ ଜମା ଯୋଜନା । ଏହା ୧/୨/୩/୫ ବର୍ଷୀୟ ବିଭିନ୍ନ ଭାବରେଅଛି । ସର୍ବନିମ୍ନ ୨୦୦ ଟଙ୍କା ରୁ ଆରମ୍ବ । ସର୍ବାଧିକସୀମା ନହିଁ । ଏହାର ସୁଧ ୧ ବର୍ଷ ପାଇଁ- ୬.୮ , ୨ ବର୍ଷ ପାଇଁ-୬.୯ , ୩ ବର୍ଷ ପାଇଁ-୭.୧, ୫ ବର୍ଷ ପାଇଁ- ୭.୬ % ଅଛି । ୬ ମାସ ପରେ ପଇସା ଦରକାର ପଡିଲେ ବି ପଇସା କାଢି ହେବ, କିନ୍ତୁ ଟିକେ ସୁଧ କମିଯିବା । ଏହାର ସୁଧ ଚକ୍ରବୃଦ୍ଧି ହେଇ ମିଳେ । ୫ ବର୍ଷୀୟ ଜମା ରେ ଆୟକରରିହାତି ବି ରହିଛି । ଏଥିରେ ମଧ୍ୟ ନୋମିନୀ ସୁବିଧା ଅଛି।

୩) ଡାକ ଘର ଆର .ଡି  ଜମା ଯୋଜନା ( ପୋଷ୍ଟଅଫିସ ଆର . ଡି ଆକାଉଣ୍ଟ) ।

  ଆରଡ଼ି ଆକାଉଣ୍ଟ ଡାକଘରର ଆଉ ଏକ ଭଲ ଯୋଜନା । ଏଥିରେ ସର୍ବ ନିମ୍ନ ୧୦ ଟଙ୍କା ରଖିହେବା। ସର୍ବାଧିକ ସୀମା ନହିଁ । ଏଥିରେ ପ୍ରତି ମାସରେ ପଇସା ଜମା କରିବାକୁ ହୁଏ ।ପାଞ୍ଚ ବର୍ଷ ପରେ ସୁଧସହ ପଇସା ଦିଆଯାଏ । ଗ୍ରାହକ ଚାହିଁଲେ ତାହାକୁ ୧୦ ବର୍ଷ ପର୍ଜନ୍ତ ଚଳେଇପାରିବା । ଏଥିରେ ଏବେ ସୁଧ ୭.୧ % ଅଛି । ତାହାକୁ ଏସବି ଆକାଉଣ୍ଟ ସହ ଲିଙ୍କ କରିଦେଲେ ପଇସାପ୍ରତିମାସରେ ମନକୁ ମନ ଜମା ହେଇଯିବା । ୧ ବର୍ଷ ପରେ ପଇସା ଦରକାର ପଡିଲେ ଏଥିରୁ ମୂଳ ଜମା ର ୫୦% ଲୋନ କରିହେବ । ୩ ବର୍ଷ ପରେ ବି ଅସୁବିଧା ସମୟରେ ଆକାଉଣ୍ଟ ବନ୍ଦ କରି ଏସବି ସୁଧ ରେ ପଇସା ମିଳିପାରିବ। ନୋମିନି ସୁବିଧା ମଧ୍ୟ ଅଛି॰

୪)  ୫ ବର୍ଷିଆ ଜାତୀୟ ସଞ୍ଚୟ ସାର୍ଟିଫିକେଟ ( ୫ ବର୍ଷୀୟ ଏନ.ଏସ.ସି )।

  ୫ ବର୍ଷୀୟ ଜାତୀୟ ସଞ୍ଚୟ ସାର୍ଟିଫିକେଟ ଯୋଜନା ଅଧୀନରେ ତୁମେ ୫ ବର୍ଷପାଇଁ ପଇସାରଖିପାରିବ । ଏଥିରେ ସୁଧ ହାର ଅଛି ୭.୮% ଯାହା ପ୍ରତି ୬ ମାସ ରେଚକ୍ର ବୃଦ୍ଧିହେଇ ହିସାବ କରାଯାଏ। ଏଥିରେ ଆଯ କର ରିହାତି ଅଛି । କିନ୍ତୁ ଏହା ଦରକାର ପଡିଲେ ଅଧ ରୁ ଭାଙ୍ଗିନ ହେବ ନହିଁ। କିନ୍ତୁ ଏହାକୁ ବ୍ୟାଙ୍କରେ ବନ୍ଧାରଖୀ ଲୋନକରି ହେବ । ସର୍ବାଧିକ ସୀମା ନହିଁ। ନୋମିନି ସୁବିଧା ଅଛି।

୫)  କିଷାନବିକାଶ ପତ୍ର( କେ.ଭି.ପି)।

କିଶାନ ବିକାଶପତ୍ର ଯୋଜନା ଭାରତ ସରକାରଙ୍କଆଉ ଏକ ଭଲ ଯୋଜନା । ଏହାର ଜମା ଅବଧି ୯ ବର୍ଷ୭ମାସ । ଏଥିରେ ଆମେ ଯେତିକିପଇସା ରଖୁ ଜମା ଅବଧି

ପୁରାହେଇଗଲେ ତାହାର ଦୁଇଗୁଣପଇସା ମିଳେ। ଏଥିରେ ମାଧେ ସର୍ବାଧିକ ସୀମା ନହିଁ। ଏଥିରେ ସୁଧ ୭.୫ % ଅଛି। ଯାହାପ୍ରତି ୬ ମାସରେ ଚକ୍ରବୃଦ୍ଧି ହିସାବରେ ବାର୍ଷିକ ହିସାବ କରାଯାଏ।୨.୫ ବର୍ଷ ପରେ ମଧ୍ୟ ପଇସା ଦରକାର ପଡିଲେ ଭଙ୍ଗୀ ହୁଏ । ତଛଡା ଏହାକୁ ମଧ୍ୟ ଦରକାର ସମୟରେ ବ୍ୟାଙ୍କ ରେ ବନ୍ଧା ରଖି ଲୋନନେଇ ହେବ । ଏଥିରେ ମଧ୍ୟ ନୋମିନି ସୁବିଧା ଅଛି।

୬) ମାସିକ ଆୟ ଯୋଜନା(ଏମ. ଆଇ.ସ)।

 ମାସିକ ଆୟ ଯୋଜନା ଅଧୀନରେ ଜେନ ସିଂଗଲ ଆକାଉଣ୍ଟ ରେ ସର୍ବାଧିକ ୪.୫ ଲକ୍ଷ ଓ ଜୟେନ୍ଟ ଆକାଉଣ୍ଟ ରେ ୯ ଲକ୍ଷ ଟଙ୍କା ରଖିହେବା । ଯୌଥିରେମାସିକ  ୭.୫ % ହିସାବରେ ସୁଧମିଳେ। ଯାହା ଗୋଟିଏ ପେନସନ ଯୋଜନା ଭଳି । ସର୍ବନିମ୍ନ ୧୫୦୦ ଟଙ୍କା ରଖିହେବା । ଏଥିରେ ମିଳୁଥିବା ସୁଧ କୁ ଏସବିଆକାଉଣ୍ଟ ସହିତଲିଙ୍କ କରିଦେଲେ ତାହାସିଧା ସଳଖ ଏସବିଆକାଉଣ୍ଟ ରେ ଜମା ହେଇଯିବା । ନୋମିନି ସୁବିଧା ମଧ୍ୟ ଅଛି।

୭) ସୁକନ୍ୟା ସମୃଦ୍ଧି ଆକାଉଣ୍ଟ ।

   ସୁକନ୍ୟା ସମୃଦ୍ଧି ଆକାଉଣ୍ଟ ଡାକଘର ର ଅନ୍ୟ ଏକ ଯୁଗାନ୍ତକରି ଯୋଜନା । ଏହା “ବେଟୀ ବଚାଓ ବେଟୀ ପଢ।ଓ “ ଆନ୍ଦୋଳନ ର ଏକ ଅଂଶବିଶେଷ । ଏହା ଜନ୍ମ ରୁ ୧୦ ବର୍ଷପର୍ଜନ୍ତ ସମସ୍ତ କନ୍ୟା ସନ୍ତାନ ମାନଙ୍କ ପାଇଁ ଉଦ୍ଦିଷ୍ଟ । ଏହାକୁ ପ୍ରଥମେ ୧୦୦୦ ଟଙ୍କା ଜମା କରି ଖୋଲି ହେବ । ଏହା ୨୧ ବର୍ଷ ପର୍ଜନ୍ତଚାଲିବ । ଏହା ପରେ ତାକୁ ବନ୍ଦ କରାଯାଇପାରିବ ।ଏଥିରେ ଶର୍କର ବାର୍ଷିକ ୮.୩ % ସୁଧ ପ୍ରଦନା କରୁଛନ୍ତି । ଝିଅର ପାଠପଢା ଓ ବାହାଘର ପାଇଁ ଉପଯୁକ୍ତ ପ୍ରମାଣ ଦେଇ ଅଧା ପଇସା ଉଠେଇହେବ। ବହଘର ପରେ ଝିଅ ଚାହିଁଲେଆକାଉଣ୍ଟ ବନ୍ଦ କରାଯାଇପାରିବ ।  ଏଇଟା ତୋର କୁନମୁନ ପାଇଁ ବହୁତ ବାଧ୍ୟ ହେବ ।

୮)ବରିଷ୍ଠ ନାଗରିକ ଜମା ଯୋଜନା ।

  ବରିଷ୍ଠ ନାଗରିକ ଜମା ଯୋଜନା ଅଧୀନରେ ୬୦ କିମ୍ବା ତାହାଠାରୁ ଅଧିକ କେହିବି ଭାରତୀୟନାଗରିକ ଆକାଉଣ୍ଟ ଖୋଲି ପାରିବ । ଏଥିରେ ସର୍ବନିମ୍ନ ୧୦୦୦ ଟଙ୍କା ଓ ସର୍ବାଧିକ ୧୫ ଲକ୍ଷ ଟଙ୍କା ରଖିହେବ । ଏହାର ସୁଧ ପ୍ରତି ତିନି ମାସରେ ମିଳେ। ଏହାର ସୁଧ ହାର ରହିଛି ୮.୩ % । ଏହି ଖାତା କୁ ମଧ୍ୟ ଏସବି ଆକାଉଣ୍ଟ ସହିତ ଲିଙ୍କ କରି ହେବ, ଯାହା ଫଳରେ ଏହାର ସୁଧ ସିଧାସଳଖ ଏସବି କୁ ଚାଲିଯିବା। ଏଥିରେ ନୋମିନି ସୁବିଧା ମଧ୍ୟ ଅଛି।

୯) ପବ୍ଲିକ ପ୍ରୋଭିଡେଣ୍ଟ  ଫଣ୍ଡ ଆକାଉଣ୍ଟ ।

ପିପିଏଫ ଅନ୍ୟ ଏକ ଭଲ ଯୋଜନା।ଏହାର ଅବଧି୧୫ ବର୍ଷ । ଏଥିରେ ସର୍ବନିମ୍ନ ୫୦୦ ଟଙ୍କା ଦେଇ ଆକାଉଣ୍ଟ ଖୋଲାଯାଇପାରିବ ।ବର୍ଷକୁ ସର୍ବାଧିକ ୧୫୦୦୦୦ ଟଙ୍କା ଜମା କରାଯାଇପାରିବ। ବର୍ଷକୁ ସର୍ବନିମ୍ନ ଠାରେ ଓ ସର୍ବାଧିକ ୧୨ ଥର ଜମା କରିହେବ। ଏଥିରେ ସୁଧ ହାର ରହିଛି- ୭.୮% ।ଏଥିରେ ଜୟେନ୍ଟ ଆକାଉଣ୍ଟଖୋଲାଯାଇପାରିବ ନହିଁ। ଜମା ବଢି ୧୫ ବର୍ଷ । ଯାହା ୧୫ ବର୍ଷ ପୂରିବା ର ୧ ବର୍ଷ ମଧ୍ୟ ରେ ଆହୁରି ୫ ବର୍ଷ କୁ ବଧ ଯାଇପାରିବ। ଏଥିରେ ମୂଳ ଓ ସୁଧ ବାବଦକୁ ମିଳୁଥିବା ପଇସା ଆୟକର ମୁକ୍ତ। ଏଥିରେ ମଧ୍ୟ ଆୟକର ଛାଡ ସୁବିଧା ଓ ନୋମିନି ସୁବିଧାଉପଲବ୍ଧ ଅଛି । ଜମା କରିବାର ୭ମ ବର୍ଷରୁ ପଇସା ଉଠେଇ ହେବ ଓ ୩ ବର୍ଷ ପରେ ଲୋନ ସୁବିଧା ଅଛି। କିନ୍ତୁ ଏହି ଆକାଉଣ୍ଟ କେବଳ ଡବଲ ହାଣ୍ଡ ଡାକଘର ବ ତାଠୁ ବଡ ଡାକ ଘରେ ଖୋଲି ହେବ କିନ୍ତୁ ଜମା ସବୁଥି କରିହେବ। ଏହାକୁ ବ୍ୟାଙ୍କକୁ ମଧ୍ୟ ଟ୍ରାନଫର କରିହେବ ଓ ବ୍ୟାଙ୍କ ରୁ ମଧ୍ୟ ଡାକଘରକୁ ଟ୍ରାନ୍ସଫର କରି ହେବ।

        ଏହା ବାଦ ଡାକ ଘରେ ଜନସୁରକ୍ଷା ଯୋଜନା ଅଧୀନରେ ଅପି(ଅଟଳ ପେନସନ ଯୋଜନା) , ପ୍ରଧାନ ମନ୍ତ୍ରୀ ବୀମା ଯୋଜନା, ପ୍ରଧାନ ମନ୍ତ୍ରୀ ଜୀବନ ସୁରକ୍ଷା ଯୋଜନା ମଧ୍ୟ ଉପଲଭ୍ଡ । ବଡ ବଡ ଡାକଘରେ  ମଧ୍ୟ ଏନପିଏସ(ଜାତୀୟ ପେନ୍ସନ ଯୋଜନା) ସୁବିଧା ଚାଲୁଅଛି। । 

     ଏତକ ସୁନିଲା ପରେ ମିତା ଦେବୀ କହିଲେ, ଏତେ ସବୁ ସୁବିଧା ଡାକ ଘରେ ଅଛି । ମୁଁ ଆଜି ଡାକଘରେ ଖାତା ଟିଏ ଖୋଲିବି। ମୋତେ ଟିକେ ଆଗରୁ କହିଲେନି । ତଥାପି ବହୁତ ଧନ୍ୟବାଦ। ଯାହା ହେଉ ଆପଣଙ୍କ ପାଇଁ ମୋତେ ବହୁତ ସମସ୍ୟାରୁ ମୁକ୍ତି ମିଳିଲା ଓ ଡାକଘର ବିଷୟୟରେ ବହୁତ କିଛି ଶୁଣିବାକୁ ଓ ଜାଣିବାକୁ ପାଇଲି।  ଏହାପରେ ସାହୁ ବାବୁ କହିଲେ ଆହୁରି ବହୁତ କଥା ଅଛି ଆଉ କେତେ ବେଳେ କହିବି । ଆସୁଛି ମା । ଆରେ ହଁ, ଆଜି ପର ସାରା ଭାରତରେ ଡାକ ବିଭାଗ ଜାତୀୟ ଡାକ ସପ୍ତାହ ଉପଲକ୍ଷେ “ BANKING DAY”  ଜମା ଦିବସ ପାଳୁଛି ।

      ଆଜି ପୋଷ୍ଟ ଅଫିସ ଯାଇକି ଆକାଉଣ୍ଟ ଖୋଲିଦେଇ ଆସିବୁ । ମୁଁ ଆସୁଛି । ଶୁଭସ୍ୟ ଶୀଘ୍ରମ ।

  

ଜମା ଦିବସ (BANKING DAY)

© ଶ୍ରୀ ସୌମିତ୍ରି ମିଶ୍ର

ସା.ପୋ- ସୁନ୍ଦରଗ୍ରାମ

ଜିଲ୍ଲା-କଟକ

ପିନ-୭୫୪୦୦୨

ଓଡିଶା

(ବି.ଦ୍ର- ଭାରତୀୟ ଡାକ ଦ୍ଵାରା ପାଳନ କରାଯାଉଥିବା ଜାତୀୟ ଡାକ ସପ୍ତାହ ଉପଲକ୍ଷେ ମୋର ଛୋଟିଆ ପ୍ରବନ୍ଧ ଆଜିର “ଜମା ଦିବସ (BANKING DAY)” ପାଇଁ ଆପଣମାନଙ୍କ ପାଇଁ)